Hamari Kahani, Ek Nayi Shuruat, Ek Pakka Azam

Meat industry mein kaam shuru karne se pehle, hum ne is nizam ko bohat kareeb se dekha aur un talkh haqaiq ka mushahida kiya jo aam tor par nazar-andaz kar diye jate hain. Hum ne dekha ke kaise:

• Kam Tolna: Paisay poore 1000 gram ke liye jate hain magar gosht hamesha kam nikalta hai.

• Beemar Janwar: Supplier zyada munafe ki lalach mein beemar aur kamzoor janwaro ka gosht market mein bech dete hain.

• Pressure Wala Gosht: Gosht ka wazan barhanay ke liye us mein pani ka pressure lagaya jata hai, jo na sirf dhoka hai balkay sehat ke liye bhi muzir hai.

• Gandagi aur Ghalat Zibah: Safayi ke intezaamat na-mukammal hote hain aur zibah ke sharai o hygienic tareeqon ka khyal nahi rakha jata.

• Over Pricing: Quality na hone ke bawajood qimatein aam aadmi ki pohanch se bahar rakhi jati hain.

In tamam buraiyon aur flaws ko dekh kar hum ne faisla kiya ke hum ek aisa plateform muhaeya karenge jahan Aitmad (Trust) hi sab kuch ho. Hum ne is project ki bunyad rakhi taake aap tak khalis, sehatmand aur mukammal wazan wala gosht pohanch sake.

Hum jante hain ke is bigray hue nizam ko badalna aur logon ka aitmad bahal karna ek mushkil kaam hai, magar humein Allah Rab-ul-Izzat ki rehmat par poora bharosa hai. Hamari sachi koshish, aap ka tawann aur Allah ki madad se humein yaqeen hai ke hum is maqsad mein zaroor kamyab honge.

Hamara Maqsad: Sirf Gosht Baichna Nahi, Aap ki Sehat aur Aitmad ki Hifazat Karna Hai.